Սիլվա Կապուտիկյան: Անանձնական

Բանաստեղծուհու գրիչը ստեղծագործական որոնումների ճանապարհին հաճախ է թաթախվել ներանձնական տվայտանքների մեջ և սեփական հոգու խորքերից դուրս բերել ես-ի ներքինը բացող գործեր, որոնք որքան անձնական, նույնքան էլ անանձնական են՝ ջերմ ու ցավող սրտի մորմոքի տրոփյուններ: Ժողովածուում ամփոփված բանաստեղծությունները, որ մեկ վերնագրի ներքո հրատարակվում են առաջին անգամ, բացառապես ես-ից ծնված և ես-ի շուրջ պտտվող ստեղծագործություններ են, որոնք, սակայն, վեր են բարձրանում ես-ից, դուրս գալիս անձնականի նեղ շրջանակից, այդ պատճառով էլ կոչվում են անանձնական: