Սասնա Ծռեր (հայերեն և ռուսերեն)

Գիրքը բովանդակում է հայ ժողովրդական վեպի՝ Սասնա Ծռերի ինը ընտիր պատումներ՝ տարբեր բարբառներով՝ ՀԽՍՀ ԳԱ ակադեմիկոս Կարապետ Մելիք-Օհանջանյանի՝ զուգահեռ ռուսերեն թարգմանությամբ: Զետեղված են նաև ակադեմիկոսի ներածական հոդվածը և բառարան-ծանոթագրությունները, որոնք պարզաբանում են հատուկ և աշխարհագրական անունները, պատմական իրողությունները, ժողովրդական որոշ ծեսերի առանձնահատկություններն ու ծագումը, ինչպես նաև խմբագրական խորհրդի առաջաբանը և ՀՀ ԳԱԱ թղթակից անդամ Արտեմ Սարգսյանի հոդվածը անվանի գիտնականի կյանքի և ստեղծագործության մասին: